Pressan er mikil á leikaranum Joaquin Phoenix sem fetar í fótspor Heath Ledger heitins í hlutverki Jókersins, eins aðalskúrks Batman myndanna.

Fyrsta kitlan hefur verið gefin út, en Phoenix leikur Jókerinn í endurgerð myndarinnar í leikstjórn Todd Phillips. Seint í gærkvöldi póstaði Phillips neðangreindu myndbandi á Instagram. Í því færist myndavélin nær Phoenix á meðan myndskeið af Jókernum flassa yfir, að lokum sést Phoenix í fullu gervi glotta í myndavélina.
Yfir hljómar lag kanadísku hljómsveitarinnar The Guess Who, Laughing.

https://www.instagram.com/p/Bn_uihPAVhL/?taken-by=toddphillips1

Síðasta sunnudag póstaði Phillips mynd af leikaranum með textanum Arthur, en myndin mun fjalla um upphaf Jókerins, sem heitir Arthur Fleck. Myndin mun verða sýnd 2019 og á meðal annarra leikara er Robert De Niro.

https://www.instagram.com/p/BnzF1teH-yK/?taken-by=toddphillips1