Í gær sögðum við frá því að Sigga Dögg kynfræðingur leitaði að manni sem er tilbúinn að sýna typpi sitt í fræðslumyndbandi um smokkanotkun. Tekið var fram að ekki muni sjást í andlit í myndbandinu og ekkert verði greitt fyrir verkefnið.
„Typpi óskast! Ég leita að typpi sem er til í að vera með í gerð fræðslumyndbands um smokkanotkun. Ekki mun sjást í andlit viðkomandi, einungis svæði líkamans frá cirka nafla að lærum og svo hendurnar. Einstaklingur fær ekki greitt fyrir þátttöku í verkefninu heldur verður fé veitt til UNICEF og UN Women. Nánari upplýsingar í tölvupósti sigga@siggadogg.is,“ skrifaði Sigga Dögg á Facebook, en hún tekur það sérstaklega fram að hún sé ekki að biðja menn um senda á hana typpamyndir.
Og núna er Sigga Dögg búin að finna rétta typpið.
15 karlar buðu fram typpi sín eftir að Sigga auglýsti eftir sjálfboðaliðum, og munu enn fleiri hafa boðið sig fram eftir að rétta typpið fannst.
