Borgar Þórisson, Karitas Harpa Davíðsdóttir og
Inga Birna Friðjónsdóttir
Mynd: Saga Sigurðardóttir
Hedband gaf í dag út sitt fyrsta lag, en sveitina skipa Karitas Harpa Davíðsdóttir og Inga Birna Friðjónsdóttir.
„Við fengum Thorisson (Borgar Þórisson) til leiks með okkur í þessu lagi og meira á leiðinni. Hann á lagið, mix og master en við stúlkurnar eigum textann og laglínuna svo unnum við þetta þrjú saman,“ segir Karitas Harpa.
„Hugmyndin að Hedband kom upp fyrir um það bil hálfu ári og kannski svolítið meira sem spaug heldur en alvara en við vorum komnar með concept, búningahugmyndir og allt en okkur vantaði rétta aðilann til að framkalla sound-ið sem við vorum að leita að þetta 80’s infuse-að syntha dans popp með þungum bassa (svolítill Robyn fílingur) svo fannst okkur hugmyndin bara of góð til að leyfa henni bara að vera hugmynd.
Karitas Harpa Davíðsdóttir og Inga Birna Friðjónsdóttir. Mynd: Saga Sigurðardóttir
Einn morguninn vakna ég við skilaboð frá Borgari, þá var hann að prófa nýtt sound og sendi mér nokkur lög til að hlusta á ef ég hefði áhuga. Ég var svona hálfsofandi, kveikti á því sem hann hafði sent, reisti mig við, hló smá taugaveikislega og hringdi beint í Ingu til að segja henni að sound-ið væri komið og við værum komin í samband við mann sem ég héldi að væri akkurat með það sem við vorum að leita að.
Svo fórum við á dögunum í myndatöku til Sögu Sig svo þetta er allt að komast í ferli, Inga er fatahönnuður svo hún sér um að framkalla lúkkið, ég er allavega rosa spennt fyrir þessu og vona að allir geti dillað sér við þetta því ég veit að ég sit ekki kyrr þegar ég hlusta.“
Heiða Eiríks lenti í ömurlegu atviki á laugardagskvöldið – „Mér brá fyrst, næst varð ég alveg öskureið og loks fylltist ég mjög mikilli vonbrigðatilfinningu“