Þetta segir Hlynur Kristinn Rúnarsson undir mynd sem hann birti á Facebook. Hlynur var handtekinn ásamt kærustu sinni í borginni Fortaleza í Brasilíu með mikið magn af kókaíni undir lok síðasta árs. Lýsti Hlynur skelfilegum aðstæðum í fangelsinu og var þungt í honum hljóðið. Hann var látinn sofa á hlandblautu gólfi og heyrði ekki í fjölskyldunni í tvo mánuði.
„Hér eru ekki mannréttindi. Hér eru fangar sem ekki er búið að sanna neitt á, saklaust fólk sem er komið fram við eins og villidýr.“
Nú virðist vera að rofa til hjá Hlyni en á öðrum stað á samskiptamiðlinum birtir hann hvatningarmyndband og skilaboð Hlyns eru einföld: „Hafðu trú á sjálfum þér.“
Þar er vitnað í Muhammed Ali:
„Í gærkvöldi slökkti ég ljósin í herberginu áður en ég fór að sofa. Ég ýtti á takkann og var lagstur í rúmið áður en herbergið var myrkvað.“
Og einnig er vitnað í kvikmyndina Rocky en í lauslegri þýðingu segir:
„Ég ætla að segja þér eitt sem þú veist kannski nú þegar. Heimurinn er ekki bara eilíft sólskin og regnbogar. Heimurinn er grimmur staður og það skiptir engu máli hversu sterkur þú ert, hann mun slá þig niður af krafti og halda þér þar ef þú gerir ekkert í málunum. Hvorki, þú ég eða nokkur annar mun slá eins þungu höggi og lífið sjálft, en þetta snýst ekki um hversu fast þú getur slegið, heldur hversu þungu höggi þú getur tekið og samt fikrað þig áfram.“
[youtube https://www.youtube.com/watch?v=Kn6bJLQjqAE&w=640&h=360]