Skoska ríkisstjórnin ætlar að veita rúmlega 5 milljónum punda til að nemendur í grunn- og gagnfræðaskólum, menntaskólum og háskólum fái aðgang að ókeypis dömubindum. Þetta er gert þar sem margar stúlkur og konur hafa ekki efni á dömubindum, túrtöppum og öðru sem til þarf á meðan á blæðingum stendur.

Skotland verður fyrsta land heims til að veita peningum í verkefni sem þetta. 395.000 kvenkyns nemendur eru í skólum landsins. Lengi hefur verið rætt um þennan vanda og hvaða áhrif skortur á aðgengi að dömubindum og öðru hefur á hreinlæti kvenna, heilsu þeirra og velferð.

Samkvæmt könnum sem Young Scot gerði meðal rúmlega 2.000 kvenna þá á um fjórðungur þeirra sem stunda nám í erfiðleikum með að fjármagna kaup á dömubindum. The Guardian skýrir frá þessu.