Tal í ástarleikjum er frábært og oft verulega æsandi. Það er dásamlegt að heyra elskhuga/ástkonu stynja af ánægju eða tjá sig um hvað það er dæmalaust gaman að sofa saman. Hrós alltaf viðeigandi en sumt má bara ALLS EKKI segja í rúminu. Hér er örlítil samantekt:
1. Er þetta slit? Fólk getur verið sjúklega viðkvæmt og óöruggt með líkamann á sér. Að hátta sig með einhverjum er stundum stórt skref og þú veist aldrei hvaða „komplexa” viðkomandi kann að hafa varðandi líkama sinn. Haltu athugasemdum og gagnrýni fyrir þig, sýndu frekar þakklæti og líttu á það sem gjöf að einhver vilji gera hluti með þér allsber.
2. Er ekki í lagi að ég taki þetta upp? Hljómar eins og úr amerískri bíómynd. En svona gerist líka á Íslandi. Stúlka fór heim með manni sem var með vídeókameru við rúmstokkinn – eftir smá kelerí kom þessi setning. Hún var fljót að drífa sig út.
3. Æi annars, eigum við ekki bara að slökkva ljósin? Þú ert búin að kela í stofunni, svo færist leikurinn inn í svefnherbergi og þið háttið hvort annað og haldið áfram að knúsast. Eftir smá stund lítur mótaðilinn á þig og segir þetta… ekki gott!
4. Mig langar að gera þig ólétta. Kannski viðeigandi í lengra sambandi en EKKI ef þið voruð að kynnast!
5. Er hann kominn inn? Agalegt, bara agalegt…
6. Fyrrverandi gerði alltaf svona… EKKI tala um fyrrverandi ástkonur eða elskhuga. Við viljum öll vera einstök. Þó að það sé ekki nema þá smá stund sem við stundum kynlíf með einhverjum.
7. Hefurðu einhvern tímann spáð í brjóstastækkun/tippastækkun? Muna, þakka fyrir nektina og þau forréttindi að fá að njóta hennar með viðkomandi. Það er ekki þitt að dæma líkamann eða greina gallana sem þú kannt að sjá.
8. Ég þarf að segja þér svolítið… Ekki nota allsbera tímann til að tala um eitthvað alvarlegt. Ef þú ætlar að koma út úr skápnum með staðreyndir um hjúskaparstöðu þína eða kynsjúkdómastatus er betri hugmynd að gera það ÁÐUR en farið er í rúmið.
9. Ég var að skipta um lak. Kynlíf er subbulegt á köflum – allskonar vessar, sviti, slef og sæði, eiga til að sullast í sængurverin. Sættu þig við það!
10. Verður þetta ekki bara okkar á milli? Þessi setning gefur til kynna að þú sjáir eftir því að hafa farið í rúmið með ástkonunni/elskhuganum.
