Bandaríski stjórnmálamaðurinn John McCain lést sem kunnugt er um helgina, 81 árs að aldri. McCain hafði barist við heilaæxli en ákvað fyrir skemmstu að hætta allri meðferð við sjúkdómnum illvíga.

McCain lætur eftir sig sjö börn auk eiginkonunnar Cindy en það sem kannski færri vita er að McCain átti móður á lífi, þrátt fyrir að vera kominn sjálfur á níræðisaldur.

Roberta McCain er 106 ára gömul og enn í fullu fjöri, ef svo má segja. Hún var til dæmis vel meðvituð um alvarleg veikindi sonar síns og meðvituð um að hann væri hættur í meðferð við meininu.

Roberta og John voru náin og studdi hún son sinn í pólitískri baráttu hans. Hún hélt til dæmis ræðu árið 2008, þegar John var í baráttu um forsetastólinn við Barack Obama, þar sem hún hvatti fólk til að kjósa son sinn. Þá var Roberta 96 ára.

John McCain naut mikillar virðingar hjá stórum hópi fólks, ekki síst vegna staðfestu sinnar við að fylgja eigin sannfæringu. Hann hefur ekki legið á skoðunum sínum um Donald Trump Bandaríkjaforseta til dæmis.

Áður en pólitískur ferill hans fór af stað var hann stríðsfangi í fimm og hálft ár í Víetnam en hann var tekinn höndum eftir að flugvél hans var skotin niður