Unai Emery, stjóri Arsenal á Englandi, er að skoða leikmenn sem hann vill fá til félagsins í janúarglugganum.

Samkvæmt frönskum miðlum er Emery að undirbúa tilboð í framherjann Moussa Dembele í janúar.

Dembele er 22 ára gamall framherji en hann hefur undanfarin tvö ár leikið með Celtic í Skotlandi.

Dembele hefur gert 26 mörk í 54 leikjum fyrir Celtic í efstu deild í Skotlandi og á að baki leiki fyrir U21 landslið Frakklands.

Emery hefur mikinn áhuga á að fá Dembele í sínar raðir í janúar en hann hefur sjálfur áhuga á að semja við stærrra lið.

Dembele var áður á mála hjá Fulham á Englandi og þekkir það að spila á Englandi.