Ólafía Þórunn Kristinsdóttir hefur leik í dag á CP-meistaramótinu á LPGA mótaröðinni sem fram fer í Kanada. Leikið er á Wascana vellinum í Reginat og stendur mótið fram til 26. ágúst.
Ólafía komst ekki í gegnum niðurskurðinn á síðasta móti sem fram fór í Indianapolis, en þar lék hún á -1 samtals (71-72). Þeir sem léku á -4 eða betur komust í gegnum niðurskurðinn.
Eins og staðan er núna þá er Ólafía í sæti nr. 139 á peningalista LPGA mótaraðarinnar.
Ólafía þarf að vera á meðal hundrað efstu til að halda keppnisréttinum á næsta tímabili, en verði hún í sætum 101-125 í lok tímabilsins, fær hún takmarkaðan keppnisrétt á næsta tímabili.
Þá þarf hún samt sem áður að fara í gegnum úrtökumót fyrir mótaröðina í desember, verði hún í sætum 101-125.
