Stuðningsmenn Manchester United hafa útbúið borða sem mun fljúga yfir Turf Moor, heimavöll Burnley í næsta mánuði.
The Daily Mail greinir frá þessu í kvöld en borðinn verður sjáanlegur þann 2. september er United spilar við Burnley í ensku úrvalsdeildinni.
‘Ed Out – LUHG’ mun standa á borðanum en þar er verið að tala um stjórnarformann félagsins, Ed Woodward.
LUHG stendur fyrir ‘Love United, Hate Glazers’ en bandaríska Glazer fjölskyldan hefur séð um að reka félagið undanfarin ár.
Stuðningsmenn United eru óánægðir með störf Woodward sem mistókst að fá varnarmann til félagsins í sumar.
Þetta er alls ekki í fyrsta sinn sem stuðningsmenn United borga fyrir flugvél til að fljúga yfir leikvang en nefna má borðann fræga sem flaug yfir Old Trafford árið 2014 þar sem félaginu var sagt að reka David Moyes.
