Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.

Félagaskiptaglugginn í flestum stærstu deildum Evrópu er nú opinn og geta lið enn styrkt sig fyrir utan þau sem spila í ensku úrvalsdeildinni.

Hér má sjá pakka dagsins

Loris Karius, markvörður Liverpool, er í viðræðum við Besiktas í Tyrklandi en hann má yfirgefa félagið. (Mirror)

David de Gea, markvörður Manchester United, er að skrifa undir nýjan samning og mun fá 200 þúsund pund á viku. (Mirror)

Ruben Loftus-Cheek, leikmaður Chelsea, mun ræða við félagið og íhugar að fara annað ef hann fær ekki mínútur á tímabilinu. (Sun)

Arsenal hefur ekki komist lengra í viðræðum við Aaron Ramsey sem er að verða samningslaus. (Sun)

Manchester City vill framlengja samning miðjumannsins John Stones en hann er samningsbundinn til ársins 2022. (Talksport)

Divock Origi, framherji Liverpool, er á óskalista Borussia Dortmund en liðið hefur enn ekki lagt fram tilboð. (Echo)

Aston Villa íhugar að leggja fram tilboð í vængmanninn Sheyi Ojo en félagið vill fá hann á láni frá Liverpool. (Birmingham Live)