Varnarmaðurinn Kurt Zouma mun spila með Everton á þessari leiktíð á láni frá Chelsea.
Félagaskiptaglugginn á Englandi lokaði í gær en Everton fékk auka frest til að tryggja sér Zouma.
Þessi 23 ára gamli leikmaður spilaði með Stoke á síðustu leiktíð en gat ekki bjargað liðinu frá falli.
Zouma kom upphaflega til Chelsea árið 2014 en hann var fyrir það á mála hjá St. Etienne í Frakklandi.
Hann á að baki 47 deildarleiki fyrir Chelsea og einnig tvo landsleiki fyrir Frakkland.
