Olivier Giroud, leikmaður Chelsea, reyndi að sannfæra liðsfélaga sinn hjá Frakklandi, Nabil Fekir, um að koma til Chelsea.

Fekir gæti verið á förum frá Lyon í sumar en hann var nálægt því að semja við Liverpool áður en HM hófst.

Eden Hazard, leikmaður Chelsea og Belgíu, ræddi einnig við Fekir er þeir hittust á mótinu í Rússlandi.

,,Ég ræddi við hann þegar við vorum saman með landsliðinu og félagaskiptin til Liverpool höfðu misheppnast,“ sagði Giroud.

,,Eftir það þá var rætt um Chelsea sem möguleika. Eden Hazard ræddi meira að segja við hann.“

,,Við myndum bjóða hann velkominn. Hann er frábær leikmaður. Ég veit ekki hvort það sé eitthvað til í þessu en glugginn lokar á fimmtudag.“