Ofurkonan og Crossfit keppandinn Annie Mist Þórisdóttir varð um helgina fyrir barðinu á notendum bandarísku umræðu og fréttasíðunnar Reddit. Mynd af Annie varð fyrir valinu í svokölluðu Photshop-stríði en sú keppni virkar þannig að notendur keppast við að breyta ákveðinni mynd í myndvinnsluforritinu Photoshop.
Annie Mist hafnaði í fimmta sæti á heimsleikunum í Crossfit um helgina en myndin sem sprelligosarnir á Reddit hafa skemmt sér við að breyta er einmitt tekin á mótinu. Fjölmargir hafa tekið þátt í keppninni og breytt myndinni sem sjá má hér að neðan en keppnina í heild má sjá hér.
