Paramount Pictures hafa gefið út fyrstu stilluna úr myndinni og á henni sést Linda Hamilton, ásamt Natalia Reyes og Mackenzie Davis.
Hamilton snýr aftur í myndabálkinn sem Sarah Connor, 27 árum eftir að hún sást síðast í Terminator 2: Judgment day.
Hamilton, sem er orðin 61 árs, sást fyrst sem kvenhetjan í fyrstu myndinni árið 1984.
Nýja myndin er enn ekki komin með nafn, en myndin er framhald mynda James Cameron. Arnold Schwarzenegger mun einnig leika í myndinni.
Myndin verður frumsýnd í Bretlandi í nóvember 2019.
