Í þessari viku er boðið upp á ferna tónleika í Hallgrímskirkju sem tónlistarunnendur á höfuðborgarsvæðinu ættu ekki að láta fram hjá sér fara.
Í gær söng hinn margrómaði kammerkór Hallgrímskirkju, Schola cantorum, íslenskar og erlendar kórperlur undir stjórn Harðar Áskelssonar.
Næstu tónleikar eru:
Fimmtudaginn 2. ágúst kl. 12 leikur organisti Dómkirkjunnar í Reykjavík, Kári Þormar, verk eftir Bach, Vierne (Carillon de Westminster), Tryggva M. Baldvinsson (Toccata Jubiloso), Böhm og Duruflé. Miðaverð 2.000 kr.
Laugardaginn 4. ágúst kl. 12 leikur hin margverðlaunaða Elke Eckerstorfer, organisti við St. Augustin kirkjuna i Vínarborg, verk eftir Bach (Tokkata & fúga í d-moll), Saint-Säens, Brahms og Petrali. Miðaverð 2.000 kr.
Á seinni tónleikum sínum, sunnudaginn 5. ágúst kl. 17 leikur Elke Eckerstorfer verk eftir Heredia, Bach, Mozart, Saint-Säens, Sulzer, Brahms og Liszt (Präludium und Fuge über BACH). Miðaverð 2.500 kr.
Fimmtudaginn 2.ágúst kl. 12: Kári Þormar, organisti Dómkirkjunnar í Reykjavík
Efnisskrá:
Johann Sebastian Bach 1685‒1750
Tokkata í d-moll (dórísk), BWV 538/1
Louis Vierne 1870‒1937
Carillon de Westminster op. 54 nr. 6
úr „Pieces de fantasie“
Tryggvi M. Baldvinsson f. 1965 Toccata Jubiloso, 2003
Maurice Duruflé 1902‒1986
Choral varié sur le ‘Veni Creator’ op.4/3, 1930
Eftir píanónám hjá Jónasi Ingimundarsyni og orgelnám hjá Herði Áskelssyni hélt Kári Þormar í framhaldsnám til Þýskalands þar sem hann lauk A kirkjutónlistarnámi frá Robert Schumann háskólanum í Düsseldorf með 1. einkunn.
Kári hefur haldið fjölda orgeltónkeika, bæði hér heima og erlendis, þar á meðal á alþjóðlegri orgelhátíð á Álandseyjum og á alþjóðlegri tónlistarhátíð í Mühlhausen í Þýskalandi. Hann hlaut styrk úr minningarsjóði Karls Sighvatssonar árið 1997. Kári hefur verið atkvæðamikill í íslensku tónlistarlífi sem organisti, píanókennari og kórstjóri en á þeim vettvangi var hann tilnefndur til íslensku tónlistarverðlaunanna með Kór Áskirkju fyrir geisladiskinn Það er óskaland íslenskt. Kári tók við stöðu dómorganista við Dómkirkjuna í Reykjavík árið 2010. Þá er Kári stjórnandi kórs MR og starfar einnig við Menntaskóla í tónlist.
Laugardaginn 4.ágúst kl. 12: Elke Eckerstorfer organisti St. Augustin, Vínarborg
Efnisskrá:
Johann Sebastian Bach 1685‒1750
Toccata und Fuge d-moll, BWV 565
Camille Saint-Saëns 1835‒1921 Danse macabre, op.40
Úts. Edwin Lemare 1865‒1934
Johannes Brahms 1833‒1897 Herzlich tut mich erfreuen
Úr 11 Choralvorspiele op.post.122
Vincenzo Petrali 1830‒1889 Sonata Finale
Efnisskrá:
Sebastián Aguiléra de Heredia 1561‒1627
Obra de 8° tono – Ensalada
Johann Sebastian Bach 1685‒1750
Prelúdía og fúga í D-dúr, BWV 532
Wolfgang Amadeus Mozart 1756‒1791
Úts. Zigmond Szathmáry *1939 Sónata í F-dúr, KV 244
Camille Saint-Saëns 1835‒1921 Danse macabre, op. 40
Úts. Edwin Lemare 1865‒1934
Balduin Sulzer *1932 Phantasia quasi improvisata, 2016
Johannes Brahms 1833‒1897 Herzlich tut mich erfreuen
Úr 11 Choralvorspiele op.post.122
Franz Liszt 1811‒1886 Präludium und Fuge über BACH
Elke Eckerstorfer er frá Wels í Efra-Austurríki og stundaði nám við tónlistarmenntaskólann í Linz og hóf píanónám við Bruckner tónlistarháskólann í Linz. Hún stundaði framhaldsnám í orgelleik, píanóleik og semballeik við Tónlistarháskólann í Vín og veturinn 2000/2001 var hún í námi hjá Bouvard og Latry við Þjóðartónlistarháskólann í París.
Elke Eckerstorfer hefur hlotið fjölda viðurkenninga og verðlauna fyrir leik sinn og hún hefur ferðast til flestra landa Evrópu og til Japans í tengslum við tónleikahald. Leikur hennar hefur verið hljóðritaður bæði til útgáfu og fyrir útvarp. Á einum geisladiska hennar leikur hún öll orgelverk eftir Balduin Sulzer, tónskáld og kaþólskan prest frá Efra-Austurríki. Hún hefur hljóðritað tvo geisladiska í St. Augustin kirkjunni í Vínarborg, Trumpet Voluntary og Christmas Trumpet, með austurríska trompetleikaranum Gernot Kahofer.
Fyrir utan að vera einn af organistum í Kirkju heilags Ágústínusar í Vínarborg kennir hún einnig við Tónlistarháskóla borgarinnar.
