Kísilsteinefni geoSilica inniheldur hreinan jarðhitakísil sem unninn er úr jarðhitavatni Hellisheiðarvirkjunar. Læknisfræðilegar rannsóknir hafa leitt í ljós að kísill gegnir mikilvægu hlutverki í mannslíkamanum og er honum nauðsynlegur. Kísill er sérstaklega mikilvægur fyrir heilsu beina enda örvar hann myndun kollagens í líkamanum, en kollagen er helsta uppistaða bandvefs sem er að finna í beinum, húð, hári, nöglum, liðböndum, sinum og brjóski. Kísill hjálpar einnig kalki að koma sér fyrir í beinvef og er því mikilvægt að taka inn kísil samhliða kalkinntöku til að kalkið nýtist sem best. Inntaka kísilsteinefnis gæti haft fyrirbyggjandi áhrif gegn beinþynningu.

Kísilsteinefnið geoSilica styrkir bandvef, styrkir hár og neglur og vegna betri myndunar kollagens getur inntaka kísilsins stuðlað að sléttari og fallegri húð.

Fyrirtækið geoSilica Iceland hefur þróað vöruna, framleiðir hana og selur. Þau Fidu Abu Libdeh og Burkni Pálsson, ásamt Ögnum ehf, stofnuðu fyrirtækið árið 2012. Um haustið það ár fékk geoSilica Verkefnastyrk Tækniþróunarsjóðs til rannsókna og þróunar á vörunni. Hún kom síðan á markað í desember árið 2014: 100% hágæða náttúrulegt íslenskt kísilsteinefni í vökvaformi, tilbúið til inntöku.

geoSilica kísilsteinefnið fæst í heilsuvörubúðum, öllum helstu apótekum, Nettó og öllum Hagkaupsverslunum. Varan er einnig til sölu í vefverslun á heimasíðu geoSilica, geoSilica.is. Þar er jafnframt að finna ítarlegan og aðgengilegan fróðleik um vöruna. Meðal annars stíga fram nafngreindir einstaklingar og segja reynslusögur af áhrifum vörunnar á sig. Er það afar áhugaverð lesning. Lýsir fólk því meðal annars hvernig geoSilica hefur hjálpað því að vinna bug á hárlosi og lina mjög verki vegna vefjagigtar. Enn fremur hafa psoriasis-sjúklingar mjög góða reynslu af inntöku kísilsins. Sjá nánar stórfróðlegar reynslusögur hér.