Hrollvekjan It sló rækilega í gegn í fyrrahaust og þénaði yfir 700 milljónir bandaríkjadollara á heimsvísu. Kvikmyndin, sem byggð er á fyrri hluta skáldsögu Stephen King, segir frá vinahópi sem gengur undir nafninu „Aularnir“ eða The Losers Club. Í sameiningu þarf hópurinn að kljást við yfirnáttúrulega veru sem hefur tekið sér mynd djöflatrúðs og herjar á börn.

Eftir vinsældir hrollvekjunnar kom að sjálfsögðu ekki annað til greina en að klára söguna, þar sem áhersla er lögð á Aulanna á sínum eldri árum. Nýja myndin mun bera heitið It: Chapter 2 og er áætlað að hún verði frumsýnd í september á næsta ári.

Back to Derry with these Losers. ?#ITMovie pic.twitter.com/dvg0fEP9Ts

— IT Movie? (@ITMovieOfficial) July 2, 2018

Á Twitter-síðu myndarinnar var nýi leikhópurinn afhjúpaður í heild sinni og þykir hann ekki vera af verri endanum. Meðal annars má þar nefna Bill Hader í hlutverki Richie Tozier, Jessicu Chastain í hlutverki Beverly Marsh og James McAvoy sem Bill Denbrough.

Einnig hafa bæst við þeir Jay Ryan, James Ransone, Isaiah Mustafa og Andy Bean.

Hér sjáum við betur persónur myndarinnar, þá og nú, ef svo má segja.