Skynsemin borgar sig – Matt hætti að vinna 2005 og fór að ferðast – Sér ekki eftir því í dag
Matt Kepnes veit sitthvað um hvernig á að ferðast um heiminn án þess að eyða um efni fram. Hann sjálfur tók þá ákvörðun árið 2005, á meðan hann var í ferðalagi í Tælandi, að hætta í vinnunni og halda áfram að ferðast, að eilífu. Og hann hefur enn ekki skipt um skoðun 11 árum síðar.
Matt bloggar um sitt daglega líf á ferðalagi um heiminn en hann hefur jafnframt gefið út metsölubók þar sem hann kennir ferðalöngum að lifa spart á ferðalagi án þess að hafi nokkur áhrif á skemmtanagildi ferðarinnar.
Matt á jafnframt svar við þessari spurningu: „Hver eru stærstu mistökin sem fólk gerir á ferðalagi?“ En það er að gera ráð fyrir því að ferðalagið verði dýrt.
„Fólk gerir ráð fyrir því að það þurfi að gista á hóteli, borða dýrar máltíðir, ferðast um í leigubílum, fara í skoðunarferðir og bóka rándýr flug.“
„Óttinn við að ferðalagið fari í vaskinn ef þú einblínir á kostnaðinn er óþarfur,“ segir Matt sem vill meina að lúxushótel, dýrar skoðunarferðir og önnur umfram eyðsla bæti litlu við ánægjuna sem fylgir því að ferðast um nýjar slóðir.
„Í daglegu líf setur fólk sér ramma svo peningarnir endist út mánuðinn. Auðvitað ættu allir að gera það sama á ferðalagi en fæstir gera sér þó grein fyrir því.“
Matt ráðleggur fólki, sem vill halda utan um budduna, að viðhalda svipuðum lífstíl heima hjá sér og það gerir heima hjá sér.
„Þetta er mjög einfalt. Fólk á ekki að tapa sér í óþarfa eyðslu vegna þess að það er í fríi. Til dæmis vaknar enginn á hverjum morgni og tekur leigubíl í vinnuna. Fólk fer heldur ekki út að borða á dýrustu stöðum bæjarins á hverjum einasta degi þegar það er ekki í fríi.“
Segir hinn þaulvani ferðamaður og bætir við.
