Ari Eldjárn verður á meðal gesta í breska skemmtiþættinum Mock the Week á BBC Two í kvöld. Þátturinn nýtur mikilla vinsælda í Bretlandi en hann hefur verið sýndur þar í landi frá árinu 2005. Þátturinn hefst klukkan 22:00 á breskum tíma.
Í þættinum fara nokkrir þekktir grínistar yfir helstu fréttir vikunnar með skemmtilegum hætti. Margir frábærir grínistar á borð við John Oliver, Jo Brand, Frankie Boyle, og Andy Parsons hafa komið fram í þættinum og Ari bætist því í þennan glæsilega hóp.
Halldór Laxness Halldórsson, betur þekktur sem Dóri DNA vakti athygli á málinu á Twitter-síðu sinni nú í kvöld með orðunum „Huge“ eða „Stórt“
— Halldór Halldórsson (@DNADORI) June 21, 2018
