Björn Bragi Arnarson er staddur í Rússlandi þessa stundina en hann og félagar í Mið-Ísland héldu uppistand fyrir landsliðið í dag.

Björn segir að það hafi verið gaman að upplifa það að fara með uppistand fyrir strákana og talar svo um rosalega öryggisgæslu er þeir mættu á hótelið.

,,Þeir voru mjög gott crowd. Það var geggjuð stemning og það hefur verið mikil leynd yfir þessu. Við máttum ekki segja neinum frá þessu frá því að það var ákveðið að við kæmum út og yrðum með uppistand fyrir þá,“ sagði Björn.

,,Það var mikill spenningur í okkur og það var gaman að koma inn. Þeir voru svona surprised og bara gaman, showið gekk vel og bara stemning.“

,,Þetta er eitt það fyndnasta sem ég hef lent í. Þetta var eins og að vera í stríði. Við mættum og það voru sex gæjar með vélbyssur.“

,,Við fengum að pissa áður en við komum inn á hótelið og það var bara einhver vöruskemma og einhver beddi á gólfinu og gæi með vélbyssu. Maður var pínu hræddur bara.“

,,Þetta sýnir hversu stórt dæmi þetta er. Við þurftum að fara í vopnaleit og sprengjuleit á bílnum, gæinn var að tékka hvort við værum með bílsprengju.“

Björn og Hannes Þór Halldórsson eru góðir vinir en sá síðarnefndi varði vítaspyrnu frá Lionel Messi á laugardag. Björn sá það ekki gerast.

,,Það var algjörlega súrréalískt. Ég táraðist í stúkunni, ég geri grín að honum og skýt á hann í þessu uppistandi áðan en maður var að springa úr stolti.“

,,Það fyndna er að þegar við vorum saman í Verzló svona 17 ára og vorum að gera 12:00 og svona, ég vissi ekki einu sinni að hann væri að æfa fótbolta.“

,,Hann var bara einn af þessum gæjum, ‘já ókei er þessi eitthvað í boltanum’, hann var á bekknum hjá Leikni og svo var hann eitthvað að hanga í þessu. Það er ekki séns að ég hefði séð hann fyrir mér fara á HM.“

Nánar er rætt við Björn hér fyrir neðan.