Dragdrottningin og raunveruleikastjarnan RuPaul Charles hefur orðið fyrir kynferðislegu áreiti frá núverandi Bandaríkjaforseta, Donald Trump. Þetta segir hann í viðtali við Hollywood Inquirer og staðfestir að þetta hafi verið árið 1995 í frumsýningarteiti kvikmyndarinnar To Wong Foo, Thanks for Everything! Julie Newmar.
Samkvæmt RuPaul reyndi Trump að káfa á kynfærum dragdrottningarinnar, haldandi að hann væri kvenmaður, og hafi orðið æfur þegar RuPaul hafnaði honum.
„Ég var nýstiginn út af salerninu þegar Trump stökk á mig og kyssti mig,” segir RuPaul. „Hann fór að klípa í rassinn á mér og lyfti upp kjólnum til þess að grípa um klofið. Svo varð hann allt í einu afar reiður, byrjaði að öskra og bölva. Stuttu eftir það yfirgaf hann partíið.“
RuPaul er umsjónarmaður stórvinsælu raunveruleikaþáttanna RuPaul‘s Drag Race og má finna þá á Netflix. Um þessar mundir er stjarnan að undirbúa nýja þætti sem nefnast AJ and the Queen og verða þeir unnir í samstarfi við streymiveituna.
RuPaul er annar handritshöfundur þáttana og leikur dragdrottninguna Ruby Red sem ferðast um í húsbíl ásamt 11 ára, munaðarlausum dreng að nafni AJ og flakka þau á milli mismunandi staða þar sem Ruby stígur í sviðsljósið og dreifir jákvæða boðskap sínum hvert sem farið er.
Reiknað er með að þættirnir verði frumsýndir í byrjun næsta árs.
