Haraldur Sverrisson, bæjarstjóri í Mosfellsbæ, fékk 360 þúsund króna launahækkun árið 2017. Bæjarfulltrúar hækkuðu einnig í launum um 34 prósent. Þetta kemur fram í Fréttablaðinu í dag. Bæjarstjórn Mosfellsbæjar afsalaði sér ekki hækkun kjararáðs á þingfarakaupi árið 2016 líkt og margar sveitastjórnir aðrar.

Haraldur var með tvær milljónir á mánuði sem bæjarstjóri og bæjarfulltrúi árið 2017 en það er 361 þúsund krónum meira en árið áður, en hækkunin nemur 22 prósentum.

Samkvæmt ráðningarsamningi fylgja laun bæjarstjóra launum ráðuneytisstjóra. Haraldur er einnig kjörinn bæjarfulltrúi og þiggur því tvöföld laun og er meðal hæst launuðu bæjarstjórum landsins. Í Mosfellsbæ búa um 10000 manns.

Laun bæjarfulltrúa alls námu 34 milljónum árið 2017, voru 25,4 áður. Hækkunin nemur 33,8 prósentum, en laun bæjarstjórnar hækkuðu frá og með 1. Janúar 2017 í samræmi við hækkun þingfararkaups.

Til samanburðar nefnir Vísir að bæjarstjóri Akureyrar, Eiríks Björns Björgvinssonar, hækkaði um 103 þúsund krónur á mánuði í launum í fyrra, sem er sjö prósent hækkun og laun bæjarfulltrúa um 31 prósent. Eiríkur var því með 1.562 þúsund á mánuði árið 2017, samanborið við 1.459 þúsund árið áður.

Akureyrarbær er meðal þeirra sem aftengdu sig þingfararkaupi og hækkunum kjararáðs í lok árs 2016 og miða sig við launavísitölu.