Állistamaðurinn Oddur Eysteinn Friðriksson, eða Odee, hefur jafnan í nógu að snúast. Auk állistaverkanna, hannaði hann nýlega umbúðir utan um bjór WOW air og fleiri verkefni eru í vinnslu sem líta munu dagsins ljós fyrr en varir. Odee sýnir lesendum DV á sér hina hliðina.
Hvað myndirðu segja ef Guð hnerraði?
„Fukk…“
Hvert er versta hrós sem þú hefur fengið?
„Þú ert hvítasti maður sem ég hef kynnst.“
Borðarðu mat sem er kominn fram yfir síðasta söludag?
„Ég hef hellt mjólk korter yfir miðnætti.“
Hvaða bíómynd hefurðu séð oftast?
„Það eru kannski þrjár sem koma til greina; Home Alone, There Will be Blood eða Step Brothers.“
Hvað var í tísku þegar þú varst yngri en er það ekki lengur?
„Smekkbuxur og Stussi peysur.“
Hvað er löglegt í dag en verður það líklega ekki eftir 25 ár?
„Nautaat á Spáni.“
Um hvað varstu alveg viss þangað til þú komst að því að þú hafðir rangt fyrir þér?
„Sælgætið djúpur eru fallbeygt eins og kúlur, ein djúpa… margar djúpur.“
Hvað verður orðið hallærislegt eftir 5 ár?
„Veip.“
Ef þú yrðir handtekinn án skýringa, hvað myndu vinir þínir og fjölskylda halda að þú hafir gert af þér?
„Listrænan gjörning.“
Hvað er það furðulegasta sem þú hefur keypt?
„Gerfi skjaldbökukjöt í dós, búið til úr lambakjöti.“
Hvaða teiknimyndapersónu myndirðu vilja eiga sem vin?
„Ríkharð úr Ríkharður og Marteinn (Rick and Morty)!“
Hvað ættu allir að prófa að minnsta kosti einu sinni í lífinu?
„Setja takmarkið hátt og ekki hætta fyrr en maður kemst þangað.“
