Þegar grafist var nánar ofan í sögu Darren eftir ótrúlega frammistöðu kom hennar í ljós að hún er enginn nýgræðingur í bransanum. Darren hefur verið í tónlistarbransanum í meira en 50 ár. Hún gaf út tvö lög árið 1966 og árið 1977 var hún í samstarfi með AC/DC, en hún söng einmitt lag þeirra Highway To Hell í áheyrnarprufunni.
[youtube https://www.youtube.com/watch?v=LO6OaR5PK_w]
„Það var frábært,“ sagði hún í viðtali við Radio Times. „Við vorum í hljóðtékki með AC/DC eitt kvöld og ég leit á hljómsveitina mína og sagði: „við verðum að skipta um stíl, til að passa við þessa hljómsveit. Þannig að í lokin vorum við farin að hljóma eins og AC/DC. Ég elska þá. Og þeir eru ástæða þess að ég gerðist rokksöngkona.“
Árið 1979 gaf hún út plötuna Queen of Fools, sem meðal annars innihélt lagið Heartbreaker, sem varð lagið sem kom Pat Benatar á kortið.
„Heartbreaker kom út á minni plötu, en engum datt í hug að gefa það út sem smáskífu. Ég var ekkert fúl yfir því á sínum tíma, en í gegnum tíðina hefur það hvarflað að mér að það hefði verið stórt skref upp á við fyrir mig tónlistarlega séð, hefði ég gefið lagið út sem smáskífu.“
Hér má heyra útgáfu Darren.
[youtube https://www.youtube.com/watch?v=xpCZO6xEAi0]
Og hér útgáfu Pat Benatar, en lagið gerði hana að stórstjörnu á sínum tíma.
[youtube https://www.youtube.com/watch?v=mIosHNpGjTE]
