Derby tók á móti Cardiff City í ensku Championship deildinni í kvöld en leiknum lauk með 3-1 sigri heimamanna.
Callum Paterson kom Cardiff yfir strax á 28. mínútu og þannig var staðan í hálfleik.
Cameron Jerome jafnaði hins vegar metin fyrir Derby í upphafi síðari hálfleiks og þeir Matej Vydra og Cameron Jerome bættu svo við tveimur mörkum til viðbótar og lokatölur því 3-1 fyrir Derby.
Aron Einar Gunnarsson var í byrjunarliði Cardiff í kvöld og spilaði allan leikinn á miðri miðjunni.
Derby er komið í sjötta sæti deildarinnar með 71 stig en Cardiff er áfram í öðru sæti deildarinnar með 86 stig og hefur nú eins stigs forskot á Fulham sem er í þriðja sætinu.