Hvað er hægt að lesa úr þessari mynd?
Hérna má sjá hvernig svör 53 þúsund Íslendinga birtast í Kosningavitanum, kosningaprófi sem má segja að hafi slegið í gegn. Þetta er mikill fjöldi svo útkoman hlýtur að vera nokkuð marktæk – það er frekar að maður velti því fyrir sér hvernig stjórnmálaflokkunum er raðað á ásana.
Ásarnir eru félagshyggja og markaðshyggja og hins vegar þjóðhyggja og alþjóðahyggja.
Bláu litirnir sýna hvar kljósendur liggja þéttast. Af þessu má ráða að Íslendingar hallast eindregið til félagshyggju og þeir eru fremur alþjóðasinnaðir.
Maður gæti jafnvel spurt, skoðandi þetta, hvort Íslendingar séu upp til hópa kratar eða hneigist altént í þá áttina?