Nú er farin að komast enn skýrari mynd á hvernig austurhöfnin í Reykjavík mun líta út, svæðið á milli Hörpu og Lækjartorgs. Það er ljóst að það verður mikið af gluggum.
Hér sést að neðan Hafnartorgið sem rís nú hratt upp úr jörðinni. Og svo er það nýja Marriott lúxushótelið sem verður við hlið Hörpu.
Á það var bent að þegar hafi verið byggt svona á Íslandi, það sé í Hafnarfirði og kallist Norðurbakkinn.
Hilmar Þór Björnsson arkitekt skrifar í pistli hér á Eyjunni – þar sem hann fagnar því líka að loks eigi að fara að ræða fagurfræði í tengslum við borgarskipulag:
Ég sakna skírskotunar til hafnarinnar og Reykjavíkur svona hreynt útlitslega… Útlit hússins virðist mér snyrtilegt á alþjóðlegan mælikvarða en það gæti eins staðið við Orchard Road i Singapore!