Á vefnum sé ég að Kópavogur er orðinn vinabær kínversku borgarinnar Wuhan.
Áður fyrr var þessi borg kölluð Hankow. Hún stendur á mörkum tveggja merkra fljóta, Yangtse og Hanárinnar.
Ég er eiginlega viss um að afi minn, Ólafur Ólafsson kristniboði, var fyrsti Íslendingurinn til að koma í þessa borg. Það mun hafa verið árið 1921.
Árið 1931 var hann við hjálparstörf á þessu svæði en þá urðu mikil flóð í Yangtse sem teljast einhverjar mestu náttúruhamfarir á tuttugustu öld.