Á þessu ári hefur víða bergmálað frasinn að Ísland sé „ónýtt“. Þetta er orðið hálfgert viðkvæði hjá hópi fólks.
En Jessica Probus hjá vefnum vinsæla Buzzfeed er ekki sammála. Hún nefnir 32 ástæður fyrir því að Ísland sé besta landið fyrr og síðar.
Hún telur upp ýmsar ástæður, bóklestur Íslendinga, bann við nektarstöðum, fjarveru McDonalds, heitar laugar, hesta og skyr, netnotkun, Björk og Jón Gnarr, lága tíðni ofbeldisglæpa og þá staðreynd að á Íslandi eru ekki moskítóflugur.
Einmitt.
Má vera að sannleikurinn liggi einhvers staðar þarna á milli.
Reyndar nefnir Jessica einn athyglisverðan punkt – mikla sósunotkun Íslendinga. Hún segir að þeir hafi sérstakar sósur fyrir allt. Matur sé eiginlega bara yfirskin til að úða í sig sósu. Má vera? Gæti þó verið að sósuausturinn sé kominn frá Dönum?