Það er vinsælt að stilla því þannig upp að Ríkisútvarpið sé sérstakur óvinur kristninnar í landinu.
Ef betur er að gáð er þetta eiginlega á hinn veginn, það má spyrja hvort sé of mikil kristni á Rúv – víst er að einhverjum kann að finnast það.
Hér eru nokkrir dagskrárliðir frá því um jólin, frá aðfangadegi til annars í jólum – og tengjast kristninni sterkum böndum.
Jólamessa í Dómkirkjunni, Jólaóratóría Bachs, þáttur um vitringana þrjá úr austri, morgunbænir, klukkutíma þáttur með helgitónlist, klukknahringing, jólakaflinn úr Messíasi eftir Handel, þáttur um kvæðabók séra Ólafs á Ströndum, jólatónleikar Kammersveitar Reykjavíkur, þáttur um trúarskáld, guðsþjónusta í Grafarvogskirkju, Jesús og Jósefína, aftansöngur með biskupnum úr Langholtskirkju og svo margendursýndur þáttur með sálminum Nóttin var sú ágæt ein.
Það er hægt að tína til fleira. Þetta er allnokkuð.