Hættulegasta fólk í Evrópu um þessar mundir eru ekki múslimar og ekki trúleysingjar.
Nei, það er fólk sem safnast úti á götum í Þýskalandi til að mótmæla múslimum – og skoðanasystkin þess víða um álfuna.
Það var svona sem kynþáttaofsóknirnar sem náðu hápunkti á tíma nasismans byrjuðu.
Með því að jaðarhópur, sem skar sig úr meginstraumi samfélagsins, var útnefndur sem stórkostleg ógn.
Eftir það var leiðin mörkuð – smátt og smátt voru gyðingar afmennskaðir. Þeir urðu óværa sem mátti reka burt eða útrýma.
Við þurfum að vara okkur. Það er nauðsynlegt að lýðræðis- og mannréttindasinnað fólk, hvort sem það er til hægri eða vinstri, taki höndum saman gegn þessu – áður en það fer úr böndunum.