Facebook vinur minn, Þórður Magg úr Grundarfirði, birtir þennan texta. Er hugsanlegt að hann hafi eitthvað til síns máls um það hvað við tölum mikið um hluti sem skipta engu máli:
Ég var að spögulera.
Umræðan undanfarin misseri er um algeran titlingaskít. Gott dæmi er kirkjusókn barna, skiptir þetta venjulegt fólk miklu máli? Annað dæmi; múslima umræðan. Þekkir einhver múslim? Flugvallarmálið; er einhver sem þið þekkið sem notar þennan flugvöll? Áfengisfrumvarpið; er einhver í öngum sínum útaf skorti á víni?
Ég get alveg haft (og hef) skoðanir á þessu öllu saman. En ég hef það á tilfinningunni að það sé verið að beina umræðunni frá málum sem skipta raunverulegu máli yfir í þrautleiðilegan tittlingaskít sem litlu/engu máli skiptir. Er ég paranoid eða getur verið að umræðunni sé stýrt? Vá, hvað ég veit um mörg mál sem skipta mig meira máli en þessi smáatriði.
Er kannski eitthvað til í þessu? Getum við tekið okkur til og hætt að elta svona mýrarljós?