Der Spiegel birtir þetta kort þar sem koma fram tölur um fjölda þeirra sem hafa farið til að berjast með ISIS samtökunum í Írak og Sýrlandi.
Þetta er býsna skuggalegt. ISIS eru fasísk stjórnmálasamtök sem byggja á draumum um tortímingu og kúgun. Þetta er einhver viðurstyggilegasta óværa sem hefur sést í heimspólitíkinni í langan tíma.
Hvað er það sem rekur ungt fólk frá Vesturlöndum til að fara og berjast með svona félagsskap? Hvað á að gera við þetta unga fólk ef og þegar það snýr aftur til heimalanda sinna? Er hægt að koma í veg fyrir að það komist aftur inn? Er hægt að dæma það, loka það inni, koma vitinu fyrir það?
Og svo er stóra spurningin – hversu mikil hætta stafar af því heimkomnu?
Kortið sýnir hversu nauðsynlegt er að ráða niðurlögum þessarar hreyfingar.