Bjarni Benediktsson segir að ekki sé „úrslitaatriði“ að eftirmaður Hönnu Birnu Kristjánsdóttur sé kona.
Það er nú svo.
Ef Sjálfstæðisflokkurinn setur karl í ráðherraembættið verða kynjahlutföllin í ráðherraliði flokksins 4 á móti 1.
Og í ríkisstjórninni verður staðan 7 á móti 2.
Það þykir varla mjög gott á þessum jafnréttissinnuðu tímum.
Formaður þingflokks Sjálfstæðisflokksins er Ragnheiður Ríkharðsdóttir. Hún hefur verið þingmaður síðan 2007, var áður bæjarstjóri í Mosfellsbæ. Hún er vinsæl og sat í öðru sæti á lísta Sjálfstæðisflokksins í Suðvesturkjördæmi í síðustu kosningum.
Hvað gæti verið því til fyrirstöðu að hún verði ráðherra?