Yrsa Sigurðardóttir rithöfundur kemur í Kiljuna á miðvikudagskvöld og segir frá nýrri bók eftir sig sem nefnist DNA. Við ræðum einnig um Iceland Noir, en það er spennusagnahátíð sem haldin er í annað skipti um næstu helgi. Þangað koma ýmsir þekktir rithöfundar frá útlöndum.
Ófeigur Sigurðsson segir frá Öræfum, skáldsögu sem hefur fengið frábæra dóma – meðal annars í Kiljunni.
Í Kringlunni hittum við Halldór Armand, höfund skáldsögunnar Drón, það er bók full af hugmyndum og vangaveltum, gerist í reykvískum samtíma en teygir anga sína út um allan heim.
Gagnrýnendur þáttarins fjalla um tvær bækur: Önnur er Svarthvítir daga eftir Jóhönnu Kristjónsdóttur og hin er Saga þeirra, sagan mín eftir Helgu Guðrúnu Johnson.
Í dagskrárliðnum Bækur og staðir förum við í Norðurmýrina í Reykjavík.