Orð Tryggva Þórs Herbertssonar frá því í gær vekja athygli, þess efnis að sér sé misboðið vegna manns sem hafði nýskeð grætt mikla peninga, var á móti leiðréttingunni, en tók samt við peningunum
Þarna gæti tvennt komið til álita.
Þeir sem ekki þurfa á leiðréttingunni að halda eiga ekki þiggja hana.
Og hins vegar – þeir sem eru ekki sammála leiðréttingunni eiga ekki að þiggja hana.
Hvort tveggja gæti verið áhugavert. Þá er líka víst að myndi fækka mikið í röðum þeirra sem fá leiðréttingu. Líklega um tugi prósenta. Og hinir sem þurfa mikið á þessu að halda væru að fá miklu meira.
En þá værum við náttúrlega að tala um allt öðruvísi leiðréttingu.
Það er svo merkilegt að Tryggvi ræddi í þessu sambandi um að „þiggja skattfé“ – almennt hafa helstu talsmenn leiðréttingarinnar ekki talað þannig.