Við förum að Sauðafelli í Dölum í Kiljunni í kvöld. Þar er eitt sögusvið Skálmaldar, nýrrar skáldsögu eftir Einar Kárason. Hún er í raun fremsta bókin í Sturlungabálki hans, fjallar aðallega um Sturlu Sighvatsson
Í þáttinn kemur danska skáldið Yaya Hassan, nítján ára piltur sem skrifaði ljóðabók. Hún gerði allt vitlaust í Danmörku, hefur selst í 100 þúsund eintökum og stundum hefur Hassan þurft lífverði.
Gagnrýnendur þáttarins fjalla um Táningabók eftir Sigurð Pálsson og Gæðakonur eftir Steinunni Sigurðardóttur, en í dagskrárliðnum Bækur og staðir förum við að Skarði á Skarðsströnd og tölum meðal annars um skriftamál Ólafar ríku.