Við erum með tvö mál í gangi núna í fjölmiðlum sem eru það sem kallast algjör non issue.
Þau hverfa líklega fljótlega – eftir helgina getum við farið að rífast um skuldaleiðréttingu ríkisstjórnarinnar.
Það er þó alvöru málefni til að takast á um.
En annað málið er hvort Ólafur Ragnar Grímsson ætli að verða forseti áfram í kosningum eftir tvö ár – eða hvort Jón Gnarr eða einhver annar fari í framboð.
Þetta nær hámarki í frétt í dag þar sem er sagt frá því að gríðarlegur meirihluti þeirra sem hlusta á Útvarp Sögu vilji að Ólafur haldi áfram.
Einn Söguliðinn orðar það svo:
Fólkið vill sinn herra Ólaf og ekki einhverja undirmálsmenn á Bessastaði.
Svo er það umræðan um Reykjavíkurflugvöll og norðausturbrautina þar sem löngu er búið að ákveða að leggja niður en fór allt í einu að heita „neyðarbraut“.
Í þeirri umræðu hefur einn spekingurinn á Alþingi tekið sig til og lagt þetta fram í umræðuna:
Hvað kemur næst? Þarf ekki næst að fylla Reykjavíkurhöfn til að búa til fleiri kaffihús?
Eins og einhver sagði: „You couldn´t make up this shit!“