Je vous ai compris eru fræg orð sem De Gaulle Frakklandsforseti lét falla í hinni miklu krísu vegna nýlendunnar Alsírs.
Ég skil ykkur.
Þetta lægði öldur, þó ekki hafi verið nema um tíma. De Gaulle er minnst sem merkasta stjórnmálamanns í sögu Frakklands.
Hann lenti í ýmsum vandræðum, lét sig hverfa og kom aftur – varð svo endanlega viðskila við þjóð sína 1968.
Þá var hann hættur að skilja.
En stundum þarf ekki meira hjá stjórnmálamönnum. Það ætlast enginn til þess að þeir hafi svör við öllu, viti allt eða geti leyst öll mál.
Hins vegar kemur þvergirðingur og þótti ekki vel út – og enn verr á tíma þeirrar hröðu upplýsingamiðlunar sem einkennir nútímann.
Mér hefur heyrst að mótmæli sem eru boðuð á Austurvelli í dag snúist ekki síður um stjórnunarstíl en stjórnarstefnuna.
Maður hlýtur líka að leita skýringa á því hvers vegna ríkisstjórnin er orðin svo óvinsæl. Hún hefur ekki lent í neinum hrakförum eins og Icesave reyndist fyrir síðustu ríkisstjórn. Icesave nánast eyðilagði hana.
Það er náttúrlega ekki nema hluti vandans, en kannski mætti stinga upp á því við ráðherra að þeir sýni aðeins meiri auðmýkt – og skilning.