Dagur B. Eggertsson stingur upp á því að færa lýðveldisdaginn – eða réttar sagt, hann varpar því fram hvort ekki sé hægt að halda upp á hann 19. júní í stað 17. júní.
19. júní er kvennadagurinn – því verður fagnað í ár að 100 ár eru liðin frá því konur fengu kosningarétt.
Viðtökurnar eru mjög misjafnar. Sumir fagna, öðrum finnst þetta hlægilegt hjá borgarstjóranum, svo eru líka þeir sem tjá reiði vegna þessa.
En það mætti auðvitað ganga lengra.
Hafa frí 17. júní og líka 19. júní. Brúa svo á milli með því að hafa frí 18. júní. Þá er komin helgi, því 20. júní er á laugardegi og 21. júní er á sunnudegi.
Heilir fimm dagar til að njóta lífsins um hásumar!