„Það hlýtur að mega ræða þetta“
„Það er nauðsynlegt að taka umræðuna“
„Við hljótum að mega spyrja.“
Þetta eru nokkrir frasar sem maður heyrir þegar fólk dengir einhverju fram sem það þorir ekki alveg að standa við.
En vill samt hræra í drullupytti.
Þetta er margreynd aðferð til að hefja hatursfulla umræðu.
Eins og þegar varð ekki hjá því komist að spyrja hvort Barack Obama væri múslimi? Eða hvort hann væri yfirleitt Bandaríkjamaður?
Ég held því ekki fram að nágranni minn sé hugsanlega hryðjuverkamaður – en ég hlýt að mega að spyrja?
Og þingmaðurinn sem leggur til að allir múslimar á Íslandi verði sérstaklega kannaðir með tilliti til þess hvort þeir hafi uppfóstrast hjá Al Qaeda eða Isis.
Hann er bara að spyrja.