Leiðtogi breska Verkamannaflokksins, Jeremy Corbyn, er í miklum vandræðum þessa dagana. The Sun birti á fimmtudag gögn sem segja að Corbyn hafi þrívegis hitt Tékkóslavneskan njósnara á árunum 1986-1987, þar af tvívegis í fulltrúardeild breska þingsins. Njósnaranum, Ján Sarkocy, var síðar vísað frá Bretlandi af Margaret Thatcher, vegna njósna fyrir Sovétríkin. Corbyn hefur viðurkennt að hafa hitt diplómata frá Tékkóslóvakíu, en neitar að hafa gefið upp viðkvæmar upplýsingar.
The Sun birti á fimmtudag upplýsingar úr njósnaskýrslum Statni Bezpecnost (StB) leyniþjónustu gömlu Tékkóslóvakíu, þar sem kemur fram að Corbyn hitti Sarkocy minnst þrisvar á árunum 1986-1987. Corbyn fékk meira að segja leyninafnið COB hjá leyniþjónustu Tékka.
Sarkocy, sem starfaði undir nafninu Jan Dymic, segir að Corbyn hafi reynst sér vel og hafi vel vitað að hann væri njósnari.
Sir Richard Dearlove, fyrrum yfirmaður MI6 leyniþjónustunnar í Bretlandi og sérfræðingur um málefni Tékkóslóvakíu, sagði að um „dæmigerða ræktun“ njósnara væri að ræða, eftir að hafa kynnt sér njósnagögnin.
„Annaðhvort var Corbyn ótrúlega barnalegur eða hann vissi algjörlega hvað var að gerast, þannig að hann var samsekur í þessu öllu. Þetta eru ósvikin gögn sem sýna að hann var merktur og málið látið ganga lengra, á tímum þar sem þarlend yfirvöld voru að ofsækja gagnrýnendur stefnu sinnar. Þeir voru óvinir Vestursins,“
sagði Dearlove um þáverandi tékknesk yfirvöld og bætti við að KGB hafi oft notað fulltrúa annarra Varjársbandalagsríkja til að nálgast breska þingmenn, þar sem þeir vöktu minni athygli en rússar.
Gavin Williamson, varnarmálaráðherra Bretlands, fordæmdi hverskyns fundi í þinghúsinu með njósnafulltrúa Rússlands og sagði slíka hegðun allsherjar svik við land sitt.
Í frétt The Sun kom einnig fram að Stasi, fyrrum leyniþjónusta Austur-Þýskalands, eigi mikið af gögnum um Corbyn, en Corbyn sjálfur verður að gefa leyfi fyrir birtingu þeirra, samkvæmt þýskum lögum.
Auk Corbyn eru 14 aðrir þingmenn breska Verkamannaflokksins nefndir í gögnunum, þar á meðal Ken Livingstone, fyrrum borgarstjóri Lundúna og John McDonnell, sem gegnir stöðu kanslara í skuggamálaráðuneytinu. Þeir hafa allir neitað aðild að málinu, segja ásakanirnar falskar og að Sarkocy hafi engan trúverðuleika.
Hannes Hólmsteinn Gissurason, sem er 65 ára í dag (til hamingju með daginn) segir á Facebook síðu sinni um helgina frá því að Össur Skarphéðinsson hafi einnig hitt Corbyn
