Á morgun er Skattadagurinn svokallaði. Því miður er ekki um að ræða alþjóðlegan frídag, né niðurfellingu á greiðslu skatta þennan dag, heldur morgunverðarfund Deloitte á Íslandi í samvinnu við Samtök atvinnulífsins og Viðskiptaráð Íslands. Þetta er 15. árið sem fundurinn fer fram.

Opnunarávarp flytur fjármálaráðherra, Bjarni Benediktsson.

Þá flytur Bjarni Þór Bjarnason, sviðsstjóri skatta- og lögfræðisviðs Deloitte, erindi sem heitir „Skattabreytingar-Ýmsum spurningum ósvarað.

Þar á eftir mun Helga Árnadóttir, framkvæmdarstjóri Samtaka ferðaþjónustunnar, flytja erindi um skatta og gjaldtöku í ferðaþjónustu.

Skattalegir hvatar nýrrar ríkisstjórnar verða til umfjöllunar hjá Mörtu Guðrúnu Blöndal, aðstoðarframkvæmdarstjóra Viðskiptaráðs Íslands.

Þá mun Niels Josephsen, yfirmaður skattadeildar Deloitte Nordic, tala um strauma og stefnur í skattamálum á Norðurlöndum.

Fundarstjóri er Halldór Benjamín Þorbergsson, framkvæmdarstjóri Samtaka atvinnulífsins.