Fyrirsætan Bella Hadid og tónlistarmaðurinn The Weeknd hættu saman í nóvember í fyrra. Parið kom fyrst opinberlega fram saman á Grammy verðlaunahátíðinni í febrúar í fyrra en það fóru fyrst orðrómar á kreik að þau væru að slá sér upp í maí 2015. Eins og Bleikt greindi frá þá var The Weeknd ekki lengi að jafna sig eftir sambandsslitin en myndir af honum og söngkonunni Selenu Gomez birtust á netinu í síðustu viku þar sem þau voru að láta frekar vel við hvort annað. Á myndunum sést þau vera að kyssast og knúsast og fór slúðurpressan á hvolf. Allir vildu vita hvort að þetta væri nýjasta stjörnusambandið eða auglýsingabrella. Nú hefur komið í ljós að hugsanlega hafa þau verið að hittast síðan á síðasta ári.

Eftir sambandsslitin sagði Bella við E! að The Weeknd væri ennþá besti vinur hennar en nú hefur hún hugsanlega skipt um skoðun eftir að myndirnar af honum og Selenu Gomez komust í fjölmiðla.

„Sambandsslit Bellu og Abel [Weeknd] voru ekki dramatískt, en auðvitað er hún sár og pirruð að hann var svona fljótur að halda áfram með Selenu,“

sagði heimildarmaður náinn fyrirsætunni við People á þriðjudaginn. Nýlegt atferli Bellu á Instagram hefur einnig látið marga gruna að hún sé ekki sátt við rómantíkheit The Weeknd og Selenu, en hún hætti að fylgja Selenu eftir á Instagram fyrir viku síðan og deildi svo þessari mynd.

https://www.instagram.com/p/BPPD3CTgK4B/

Það er spurning hvort að það sé bara tilviljun að hún deildi þessari mynd stuttu eftir að myndirnar af The Weeknd og Selenu komu á netið, eða hvort myndin sé sett inn með „leyndum“ skilaboðum til Selenu.

Sjá einnig:

http://bleikt.pressan.is/lesa/selena-gomez-og-weeknd-knusast-uti-a-gotu-svona-gaeti-samtalid-hafa-hljomad/