Við á Bleikt elskum fyrirsætuna Chrissy Teigen, hún er svo innilega hreinskilin og fyndin. Þegar Chrissi var á rauða dreglinum fyrir Golden Globes hátíðina með eiginmanni sínum John Legend varð hún ótrúlega þreytt enda á háum hælaskóm sem hugsanlega voru eitthvað óþægilegir líka. Í stað þess að þjást í hljóði og setja upp gervibros þá ákvað Chrissi að gera frekar það sem allar konur sem nota hælaskó hafa íhugað á einhverjum tímapunkti, hún settist niður.
Það eru ekki margar stjörnur sem hafa sest niður á rauða dreglinum á svona stórum viðburði. Chrissi lét þó eins og ekkert væri eðlilegra og heilsaði meðal upp á stjörnur eins og Ryan Gosling, án þess að standa upp auðvitað. Leikkonan Blake Lively varð vitni að þessu og gaf hún henni fimmu fyrir að hlusta á líkamann og setjast til þess að hvíla sig. Chrissy heldur sífellt áfram að koma okkur skemmtilega á óvart.
Just @ChrissyTeigen casually sitting on the stairs at the #GoldenGlobes meeting Ryan Reynolds. pic.twitter.com/K7IvAmcVEz
— E! News (@enews) January 9, 2017
