Desæna og Glacier Ink verða með viðburð á efri hæðinni á Sake barnum, Laugavegi 2 í Reykjavík, laugardaginn 25. mars kl. 14:00-23:00. Þar verða þau að hanna, flúra 18+ og prenta boli á staðnum. Einnig verður boðið upp á gervitattoo fyrir yngra fólkið eða þá sem vilja prufukeyra hugmyndina fyrst. Fólki er boðið að koma og kíkja til þeirra með hugmynd sem þau umbreyta síðan í grafík og útfæra á boli, sem húðflúr eða gervihúðflúr.
Ágóðinn rennur til styrktar Mottumars, ekki er hægt að greiða með pening eða korti heldur leggur fólk beint inn á Mottumars reikninginn.
Hér má sjá startgjöldin:
Gervitattoo (A4 blað): 1.000 kr. (mörg lítil eða eitt stórt)
Tattoo 18 ára og eldri: 10.000-25.000 kr.
Bolur með prenti: 3.500 kr.
Við hjá Desæna erum að vinna með upprennandi og skemmtilegu hugmyndafólki úr öllum stéttum samfélagsins, við framleiðum og sérmerkjum fatnað og úrval fylgihluta. Við viljum meina að allir geta verið sitt eigið vörumerki.
Í gegnum þau getur hver sem er auðveldlega hrint af stað sínu eigin vörumerki og þróað það án erfiðis, jafnvel bara með sína hugsjón að vopni. Þau aðstoða við að útfæra grafíkina, velja vöruna eða sérsauma hana með fagaðila, svo merkja þau varninginn. Aðilar fá að taka eins mikinn þátt í gerð vörunnar og þeir óska eftir og geta tekið virkan þátt í hönnun og prentun hennar í vinnustofunni þeirra.
Glacier Ink var stofnað af Soffíu Lenu árið 2014 eftir ferðalög hennar um Evrópu. Hún er bleksmiður með meiru og búin að vera að teikna síðan hún var barn, sem færðist vel yfir í húðflúrun sem hún lærði á Spáni. Glacier Ink er í Bæjarhrauni 6 og er nóg að gera. Soffía heldur úti Instagram síðu þar sem hún deilir myndum af vinnu sinni @soffialena.
Soffía Lena átti hugmyndina og við hjá Desæna erum soddan ljósaperur og alltaf til að slást í lið með hinu jákvæða.
Karlmenn eru sérstaklega feimnir við að fara í skoðun þar og þess vegna vildum við taka þátt í þessari vakningu. Fá fólk til að koma saman og hafa gaman, safna pening í leiðinni fyrir þessa punga „win win“. Það er aldrei leiðinlegt að halda smá partý og hvað þá þegar maður gerir það til góðs.
Vekjum þessa frábæru karlmenn sem og kvenmenn til að fara og láta skoða á sér ristilinn og kynfærin. Þetta eru bara líkamspartar eins og hvað annað, sem við þurfum að huga að og láta athuga.
Soffía: Ég veit um tilfelli þar sem þurfti að fjarlæga eista og svo er mjög algengt að fólk, bæði konur og karlar, þurfi að láta fjarlæga hnúða eða krabba í ristli.
Við erum búnir að búa á skrifstofunni frá jólum að undirbúa vefsíðuna okkar desa.is sem er væntanleg í apríl. Með hækkandi sól ber að skyggnast út, mingla við fólkið og kitla nokkra punga í bænum. Elskaðu náungann eins og þú elskar sjálfan þig. Nýir saumar, stórir draumar og góðir straumar.
