Við höfum áður fengið að skyggnast inn í líf Helgu, en hún er ósköp venjuleg reykvísk kona, fyrir utan að hún er fjölkær/fjölelskandi (e. polyamorous/poly). Það þýðir að hún á í fleiri en einu ástarsambandi í einu og allir hlutaðeigandi eru meðvitaðir um stöðuna.
Lestu meira: Helga er ástfangin – Hvað skyldi manninum hennar finnast um nýja kærastann?
Við fengum Helgu (já það er dulnefni) til að taka saman lista um það sem hún hefur lært á þeim fjórum árum sem hafa liðið síðan hún og eiginmaður hennar tóku sameiginlega ákvörðun um að opna sambandið.
Eða jú, kannski öðruvísi grænt, en alveg jafn mikill mosi í hornunum og það þarf að slá blettinn líka. Öll sambönd krefjast vinnu, heiðarlegra samskipta og næringar. Ástarsamband mitt við kærastann kemur ekkert í stað hjónabandsins.
Hamingjan er ekki heldur á ábyrgð kærasta míns, elskhuga, foreldra eða vinkvenna. Ábyrgðin er mín, alfarið. Þó fullt af fólki þyki vænt um mig stundar enginn þeirra hugsanalestur. Að komast að því hvers ég þarfnast og láta vita af því er lykilatriði.
Það er hrikalega gleðismitandi að fylgjast með fólki verða skotið. Líka þegar það er eiginmaður minn og ástkona hans.
Afbrýðisemi er tilfinning sem er hægt að vinna með, tala um, skoða og jafnvel breyta ef viljinn er til staðar. Að forðast afbrýðisemi er svipað og að forðast hungur með því að drekka bara vatn allan sólarhringinn.
Að koma sólpallinum í lag var lítið mál þegar allir sem gátu hjálpuðust að! Börnin taka fjölskylduvinum opnum örmum enda finna þau að þar sé á ferð fólk sem er annt um foreldra þeirra. Og þau.
Það ER spennandi að kynnast nýju fólki, leyfa elskhuga að uppgötva líkama minn og komast jafnvel að allskyns óvæntum atriðum í eigin fari. Mikill vill meira, og ég held að það græði allir á því að kynorka mín sé sexfalt sterkari en áður.
Síðan við stigum inn í poly-ferlið les ég bara bók ef ég er um borð í flugvél. Prjónaskapurinn situr algjörlega á hakanum og Pinterestið mitt er troðfullt af frábærum hugmyndum sem ég er ekki að sjá fyrir mér að ég geti dundað mér við að framkvæma nærri því strax. Dauður tími er voða sjaldséður þegar ég er búin að lofa mér í bíó með kæró, mála svefnherbergið með eiginmanninum og skutla krökkunum upp í Bláfjöll. Allt á einni helgi. Tímastjórnun er heilagur hæfileiki.
