Real Techniques systurnar Sam og Nic sitja ekki auðum höndum en nú eru að rata í verslanir hér á landi heill hellingur af nýjum og dásamlegum burstum frá Real Techniques. Því er heldur betur tilvalið af fara aðeins yfir nýju burstana og burstasettin frá systrunum.
Eitt af þeim settum sem er komið í verslanir er ný og endurbætt útgáfa af hinu sívinsæla Real Techniques augabrúnasetti. Ólíkt fyrra settinu inniheldur þetta skæri og aðra bursta. Settið inniheldur brow scissors, angled tweezer, brow brush, brow spoolie, brow highlighting brush og fallega tösku.
Annað nýtt og endurbætt set er Flawless base settið. Að þessu sinni inniheldur settið ekki tösku eins og hefur tíðkast með flestum Real Techniques settum heldur burstabox sem tilvalið er að geyma burstana sína í! Settið hjálpar manni að ná hinum fullkomna grunn og inniheldur contour brush, detailer brush, buffing brush og square foundation brush.
Klassíska augnburstasettið frá Real Techniqes hefur notið mikilla vinsælda hér á landi og nú er búið að gera nýja og endurbætta útgáfu. Enhanced eye settið inniheldur fimm bursta og eitt burstabox sem hjálpa manni að ná hinni fullkomnu augnförðun. Settið inniheldur nokkra gamla og góða vel þekkta bursta ásamt nokkrum splunkunýjum. Settið inniheldur medium shadow brush, essential crease brush, fine liner brush, shading brush og lash separator.
Ásamt nýju settunum verður nú einnig mögulegt að kaupa frábæru Real Techniques burstana í smærri einingum. Fyrsta tvennan sem okkur langar að kynna fyrir ykkur er Eye smudge + diffuse. Hún inniheldur tvo smudge bursta til að blanda út eyeliner eða augnskugga og auka yddara fyrir eyeliner. Burstarnir eru smudge brush og precision smudge brush.
Eye Detail + Define er tvenna sem hjálpar manni að ná hinum fullkomna eyeliner! Með tvennunni fylgir lítll eyeliner stensill sem hjálpar jafnvel þeim sem eiga í mestu vandræðum að ná hinum fullkomna væng. Í tvennunni er að finna definer brush og square detailer brush.
Eye Shade + Blend er tvenna sem hjálpar manni að ná hinum fullkomna blandaða augnskugga. Báðir þessir burstar eru nú þegar til og eru meðal þeirra vinsælustu. Núna er því loksins hægt að kaupa þá tvo saman! Burstarnir eru base shadow brush og deluxe crease brush.
Það er að sjálfsögðu ekki hægt að skilja varirnar eftir útundan og því hafa systurnar gert þessa ómótstæðilegu varatvennu! Lip Color + blur inniheldur tvo varalitabursta sem hjálpa til við að gera hina fullkomnu varalitaásetningu. Burstarnir í tvennunni eru lip brush og lip blur brush.
Síðast en ekki síst er komin minni útgáfa af hinum sívinsæla Expert face brush! Expert concealer brush gefur manni hinn fullkomna blandaða hyljara en hann er lítill og nettur og nær því vel á alla staði andlitsins.
Real Techniques er svo sannarlega í stöðugri þróun hjá systrunum Sam og Nic og hvetjum við ykkur að kíkja á næsta sölustað Real Techniques til að skoða allar þessar dásamlegu nýjungar betur.
*Færslan er unnin í samstarfi við Real Techniques
