Scott Disick hefur verið heldur betur upptekinn síðustu fimm daga, en hann hefur sést eiga notalegar og „rómantískar“ stundir með að minnsta kosti sex konum. Sú fyrsta sem hann sást með í vikunni var nítján ára leikkonan Bella Thorne. Bleikt greindi frá því að þau fóru saman á Cannes kvikmyndahátíðina á miðvikudaginn. Heimildarmaður E! News sagði Scott hafa farið með Bellu til Frakklands einungis til að fara í taugarnar á fyrrverandi kærustu sinni og barnsmóður Kourtney Kardashian en hún var einnig stödd í Cannes.

Scott og Bella sáust kela í sólinni og skemmta sér, en næsta dag var komin ný stúlka í arma hans. Það var Chloe Bartoli, sama kona og hann sást með nokkrum dögum áður en Kourtney hætti með honum 2015.

Daginn eftir sást hann með fyrirsætunni Ellu Ross og breska bloggaranum Maggie Petrove.

Á laugardaginn sást hann kyssa brúnhærða konu en ekki er vitað hver hún er.

Nú eru komnar á kreik sögusagnir um að stúlkan sem Scott hefur áhuga á í augnablikinu sé engin önnur en hin átján ára gamla Sofia Richie. Sofia er dóttir stórsöngvarans Lionel Richie og fyrrverandi kærasta Justins Bieber.

Það sást til þeirra saman á snekkju nálægt Cannes. Hann lyfti Sofiu upp og hélt á henni. Hann sást einnig kitla hana á meðan hún lá á bakinu. Sofia Richie hefur tjáð sig um samband sitt við Scott á Twitter og neitar að eitthvað rómantískt sé á milli þeirra.

Just so everyone can get their panties out of their asses, Scott and I are just homies #relax

— Sofia Richie (@sofiarichie) May 28, 2017

Scott fór í afmælisferð til Cannes í síðustu viku, en hann er að halda upp á 34 ára afmælið sitt. Kourtney Kardashian fór einnig til Cannes í síðustu viku með nýja kærastanum sínum Younes Bendijima. Þau voru í aðeins tíu mínútna fjarlægð frá Scott.

Heimildarmaður E! News sagði að ástæðan fyrir því Scott hefði farið með Bellu Thorne til Cannes væri einungis til að fara í taugarnar á Kourtney, og miðað við undanfarna viku þá lítur út fyrir að hann sé að reyna að vekja athygli á sjálfum sér. Hann hefur verið miðpunktur umræðu slúðurblaðanna vestanhafs og spyrja margir sig af hverju hann er að gera þetta. Hann er jú einhleypur karlmaður að halda upp á afmælið sitt, en maður getur ekki annað en velt fyrir sér ástæðunni fyrir því að hann hittir sex mismunandi konur á nokkrum dögum rétt hjá gististað fyrrverandi kærustu sinnar, líklegast vitandi að allt eigi eftir að fara í slúðurblöðin. Scott segist sjálfur vera kynlífsfíkill, svo það er spurning hvort það spili eitthvað inn í.

„Kourtney gæti ekki verið meira sama hvað Scott gerir með öðrum stelpum. Henni fannst sorglegt að Scott væri að reyna að pirra hana í Cannes,“

sagði heimildamaður E! News. Hann bætti því við að Kourtney hafi meiri áhyggjur af heilsu Scott og sé líka áhyggjufull að hegðun hans gæti haft áhrif á börnin þeirra þrjú, Mason 7 ára, Penelope 4 ára og Reign 2 ára.

„Hún vildi óska þess að Scott væri að hugsa til þeirra. Einn daginn eiga þau eftir að vera nógu gömul til að lesa um þessa hluti og skilja hvað er í gangi.“